பரமேஸ்வரனது மடியில் அமர்ந்திருப்பவளும், கருணையானவளும், வீரத்தில் உயர்ந்தவளும், எல்லாஇடத்திலும் நிறைந்து விளங்குகின்ற சிவதனுசுவுக்கு ஒளியைத் தருகின்றவளும், ஸ்ரீ சக்ர பூஜையினால் திருப்தியடைந்து விளங்குகின்றவளுமான ஸ்ரீ ராஜராஜேஸ்வரியை வணங்குகிறேன். (7)

கருமம், கருமமில்லாமை ஏதுமில்லாதாவளும், குலமகளிரின் தெய்வமும், வினைகளுக்கான பலன்களைத் தருபவளும், பாற்கடலில், மணித்வீபத்தில் வசிப்பவளும், பிரம்மா, விஷ்ணு, ருத்திரன், மகேஸ்வரன், சதாசிவன் எனும் ஐந்து பேர்களால் ஆன கட்டிலிலே அமர்ந்திருப்பவளும், யோகிகளால் துதிக்கப்படுவளும் ஸ்ரீ சக்ர பூஜையினால் திருப்தியடைந்து விளங்குகின்றவளுமான ஸ்ரீ ராஜராஜேஸ்வரியை வணங்குகிறேன். (8)

யானையின் மத்தகம் போன்ற பருத்த மார்பகங்களுடன், தங்கத்தினாலான மாலை முதலிய நகைகள் அணிந்து, தேவாதிபதியினால் துதிக்கப்படுபவளும், சிருங்காரத்தின் இருப்பிடமாய், யோநி முத்திரையிலே மகிழ்ச்சி கொண்டு, நித்தியமாயும் நவாட்சர மந்திர உருவமாயும், ஸ்ரீ சக்ர பூஜையினால் திருப்தியடைந்து விளங்குகின்றவளுமான ஸ்ரீ ராஜராஜேஸ்வரியை வணங்குகிறேன். (9)

நிறைந்த லக்ஷ்மியின் பூரணமான நிலையில் பக்தர்களுக்கு அருள் பாலிப்பவளும், செம்பஞ்சுக் குழம்பினால் அழகிய திருவடிகளைக் கொண்டு, பிரம்ம, இந்திரன் முதலானவர்களால் வணங்கப்பெறுபவளும், பக்தர்களின் விருப்பங்களை நிறைவேற்றுபவளும், அருள்புரியும் பேருலகைத் தன்னுள்ளே கொண்டவளும் காமேச்வரரது மடியில் அமர்ந்து, ஸ்ரீ சக்ர பூஜையினால் திருப்தியடைந்து விளங்குகின்றவளுமான ஸ்ரீ ராஜராஜேஸ்வரியை வணங்குகிறேன். (10)

ஹ்ரீம் எனும் எழுத்தை அனுசரித்து, சங்கரனுக்குப் பிரியமான வடிவினை உடையவளும், யோகபீடத்தில் அமர்ந்து மங்கள் தேவதையாகவும், அன்றலர்ந்த தாமரைக் கண்களால் சுகத்தைக் கொடுப்பவளாயும், கருணையினால் மிக மிக அழகானவளாயும், ஸ்ரீ சக்ர பூஜையினால் திருப்தியடைந்து விளங்குகின்றவளுமான ஸ்ரீ ராஜராஜேஸ்வரியை வணங்குகிறேன். (11)

எல்லா ஞானத்தையும் கொண்ட கலைவடிவமாய், கருணையுடன் சர்வேஸ்வரியாய் எங்கும் நிறைந்து, எப்போதும் உண்மையாயும், எங்குமிருந்து, ஆயிரம் இதழ்த் தாமரையில் அமர்ந்து, பாற்கடலில் வசித்து, இணையற்றவளாய், சுகந்தருகின்ற, கோடி இளஞ்சூரியனுக்கு நிகரானவளாய், ஸ்ரீ சக்ர பூஜையினால் திருப்தியடைந்து விளங்குகின்றவளுமான ஸ்ரீ ராஜராஜேஸ்வரியை வணங்குகிறேன். (12)

பிந்துவோடு கூடிய “க” முதல் “க்ஷ” வரையிலான (சம்ஸ்கிருத) எழுத்துக்களான உடலும், நல்லோரால் போற்றப்படும் வரலாற்றினை உடையவளும், மகிழ்ச்சியைக் கொடுத்து, மிகச் சிறந்த முக்கூடமாகிய ஸ்ரீமத் பஞ்சதசி மந்திர உருவாய், ஸ்ரீசக்ர பூஜையினால் திருப்தியடைந்து விளங்குகின்றவளுமான ஸ்ரீ ராஜராஜேஸ்வரியை வணங்குகிறேன். (13)

சந்திரனை மகுடமாய்க் கொண்டு, எட்டு பீடங்களிலே வீற்றிருந்து,
அக்கினி, சூரிய, சோம பீடங்களை அலங்கரிப்பவளும், சிதாகாசத்தில் (சுத்த மதிவெளியில்) நிலைபெற்று, கங்கை, கணேசரிடத்தில் அன்புள்ளவளும், ஸ்ரீ சக்ர பூஜையினால் திருப்தியடைந்து விளங்குகின்றவளுமான ஸ்ரீ ராஜராஜேஸ்வரியை வணங்குகிறேன். (14)

ஹ்ரீம் எழுத்தை முடிவில் கொண்ட மூன்று கூடங்களையுடைய பஞ்சதசீ மந்திர வடிவினளாயும், ஸமயம் எனும் மானசீக பூஜையில் அன்புடையவளும், உலகையே பிறவியாய்க் கொண்டு ஹம்ஸ எனும் சுவாச மந்திரத்தால் சொல்லப்படுபவளும், வாமம், கௌலம் எனப்படும் தாந்திரீக வழிகளாலும் துதிக்கப்படுபவளும், கருணையால் நனைந்த உள்ளத்தைக் கொண்ட காமக்ஷியாயும், ஹ்ரீம் எனும் எழுத்தால் ஷோடசீயாகவும் விளங்கி, மும்மூர்த்திகளாக ஆனவளும், ஸ்ரீ சக்ர பூஜையினால் திருப்தியடைந்து விளங்குகின்றவளுமான ஸ்ரீ ராஜராஜேஸ்வரியை வணங்குகிறேன். (15)

எந்த ஸ்ரீ வித்யையானவள் சிவன், விஷ்ணு முதலான எல்லோருய்க்கும் தாயோ, எவள் உலக மாயையால் மோகிக்கச் செய்கிறாளோ, பிரம்மா முதல் சிற்றெறும்பு வரை எல்லா உயிர்களுக்கும் மகிழ்ச்சியைக் கொடுத்து, ஐந்து பிரணவங்களாகி நிலைபெற்று, ஞானமாகிய கலையை மாலையாய் அணிகின்றாளோ அந்த பகவதியும், பரதேவதையுமான ஸ்ரீ ராஜராஜஸ்வரி நம்மைக் காப்பாற்றட்டும்.