ஐம்பூதங்கள்,ஐந்து வாயுக்கள்,ஐம்புலன்,ஐம்பொறி,
மனம், சித்தம், புத்தி, அகங்காரம் எனும் அந்தகரணங்கள்
ஆகிய இருபத்து நான்கு தத்துவங்களும் அசுத்த தத்துவங்களாக,
ஜீவாத்மா விளக்கமாகக் காட்டப்பட்டது.

தீ

விடியவரும் உதயமெனும் விரிவினிலே அருளவரும்
விரியுங்கதி ரொளியின் வடிவும்
விளையவரும் பயிரில்முளை வித்தினுரு சத்தின்நிலை
விடையவரும் வெப்ப வடிவும்
மடியவரும் மறையுமதி முடிமுதலும் தினகரனும்
மண்ணிலகு மின்னணு விலும்
மலரவரும் நெருப்பினரு வுருவம்பல கருவுடனும்
மயங்கிவரு வழக்கம றியும்
படியவரும் அருளுமடி பயிலவருங் குருவடிவும்
பரவியருள் சிவனுரு வமும்
பார்க்கறிய ஜோதிமயம் பார்த்தறிய ஞானவரம்
பக்திதரும் சக்தி யருளும்
முடியவரும் நல்லறிவும் முனையவரும்
முக்திதரும் மோனவடி வான குருவே
முன்னவனே ஞானமழைத் தென்னவனே மோனநிலை
முற்றுங் கடந்த முதலே