ஐம்பூதங்கள்,ஐந்து வாயுக்கள்,ஐம்புலன்,ஐம்பொறி,
மனம், சித்தம், புத்தி, அகங்காரம் எனும் அந்தகரணங்கள்
ஆகிய இருபத்து நான்கு தத்துவங்களும் அசுத்த தத்துவங்களாக,
ஜீவாத்மா விளக்கமாகக் காட்டப்பட்டது.

நீர்

வாருலகப் பேருயிர்கள் வாழவே வளியொடு
வந்துறையும் தீயின் அருளால்
வளியாகக் கார்முகில் வழியாகக் கடலாக
வழிந்தோடும் நதிவடிவ தால்
பாருலகப் பலனடைய நீருரவ நலனாகப்
படைத்தருளும் பேரமிர் தமாய்
பாதாதி கேசமுமு நீராதி யானதுடற்
பாத்திரம் படைத்த நிலையால்
சாருமதி யாளருடல் சரிஈரம் என்பதாய்
சத்தியம் நீரின் நிலையே
சங்கரா சிவகங்கை மங்களா சுயம்புவே
சக்திவடி வான கலையே
போருலக ஆசைமதி நீரிளக வைத்தெனை
புதுப்பித்து அருள வேண்டும்
புத்தனே சிவஞான சித்தனே மோனவழி
போதிக்கும் ஞான குருவே